Drejtuesit e Rinisë së Gjelbër  zhvilluan nje vizitë në Suedi me ftesë të Partisë dhe Forumit të Gjelbër Suedez.

15056238_1344117948934675_3661838956445517890_n

Drejtuesit e  Rinisë së Gjelbë,  Keida Ushtelenca dhe Ilir Cani zhvilluan nje vizitë një javore në Suedi më ftesë të Partisë dhe Forumit të Gjelbër Suedez. Ata zhvilluan një sërë takimesh të rendësishme dhe morën pjesë në disa aktivitete të organizuara nga Rinia dhe Partia e Gjelbër Suedeze. Në këto takime u fol për zgjerimin e bashkëpunimit midis dy organizatave Rinore të gjelbra,si dhe për forcimin e mëtejshëm të mardhënieve midis Partive tona.  Drejtuesit e Rinisë së Gjelbër  bashkëbiseduan me kolegët e tyre mbi ecurinë dhe zhvillimet në organizatën e tyre, kontributin që të rijtë japin për forcimin e Partisë së Gjelbër, pjesëmarrjen e tyre në fushatat  elektorale si dhe për sensibilizimin e shoqërisë mbi çështet mjedisore dhe politikat e gjelbëra.

Një takim i vaçant ishte më Kryetarin e Partisë së Gjelbër Suedeze  dhe Ministër i Arsimit Gustav FRIDOLIN .

Takimi  me Ministren e Mjedisit të Suedise Karolina SKOG ishte një takim tjetër i rëndësishëm, pasi temat e mjedisit dhe politkave të gjelbëra u diskutua gjersisht.

Përveç takimeve me deputetë, drejtues lokal dhe qëndror të Partisë së Gjelbër Suedeze , Drejtuesit e  Rinisë së Gjelbër  ishin të fturit special të Asamblesë së Përgjithshme të Partisë së Gjelbër Suedeze. Në këtë takim të miqve nga Shqipëria  ju la një hapësirë për të prezantuar Lëvizjen e Gjelbër në Shqipëri dhe sfidat e saj.

Bashkëpunimi midis dy Partive të Gjelbëra do të jetë edhe më i ngusht në të ardhmën. Në zgjedhjet e ardhshme  Parlamentare një grup i përbër nga Eurodeputë dhe Deputetë të Partisë së Gjelbër Suedeze do të jenë përkrah Partisë së Gjelbër Shqiptare.

 

Politika dhe Mjedisi

edi

 

Edlir PETANAJ

U bënë vite, po aq sa është vetë tranzicioni ynë, që në mjedis ka ndërhyrje të forta shkatërruese të cilat jo vetëm kanë shkatërruar burimet natyrore të vendit, por mbi të gjitha kanë rritur shumë nivelet e ndotjes, aq sa sot mund të thuhet se ndotja po rrezikon seriozisht shëndetin dhe jetën. Vështirë që mund të gjendet ndonjë vend tjetër në Europë që të ketë patur këtë shkatërrim mjedisor gjatë këtyre viteve. Në të përditshmen tonë, ti do të prekësh këtë realitet: këmbët të mbulohen jo vetëm nga balta por dhe nga plehrat që gjenden gjithkund rrugëve, nuk mbushesh dot thellë me frymë se kocka e CO2 lëshuar nga makinat të ka bllokuar trakenë dhe pak më tej shikon selvitë rrokaqiell dhe shkurret betonale që së bashku formojnë kurorën e “gjelbër” të qytetit. Të duket sikur qyteti yt i ka shpallur luftë ngjyrës së gjelbër.

Teksa ti vazhdon rrugëtimin tënd jashtë qytetit, të vijnë të largëta kujtimet e bukurive natyrore të lagunave, buzë lumenjve dhe bregdeteve. Përpiqesh me veten të kujtosh por më kot shumëllojshmërinë e bimëve, kafshëve, shpendëve dhe peshqve që rriteshin në to. Endesh në rrugëtimin tënd imagjinar duke shijuar gjelbërimin e kodrave dhe tokave rreth tyre. Dhe kur përmendesh, ke frikë të hapësh sytë. Ti mahnitesh nga “mrekullitë” e dorës së njeriut, dorës që shkatërroi në këto vite florën dhe faunën, mijëra hektarë pyje, kodra dhe lumenj të gërryer, duke i shfrytëzuar pa mëshirë dhe me buzëqeshje në përfitim të industrisë. Të dhemb syri, të dhemb shpirti kur sheh toka të lëna djerrë që po gëlltiten nga erozioni dhe nga harresa e njeriut. Ecën, bën përpara por këmbët zvarriten. Ajo që ti shikon aje tej në buzë të detit ku ti dikur laheshe me shoqërinë, edhe pse mezi duket nga vargkodrat e kapura përdore të plehrave, nuk është anije por një vepër arti e titulluar “TEC”, dhe pak më larg, atje në mes të detit, anija që shikon është ajo e frikshmja që po na sjell gjithfarë mbetjesh. U lodhe. Vendose të kthehesh e të shlodhesh pak në shtëpinë tënde se jashtë nuk kishte më vende shlodhëse për ty. Në kthim, ashtu kokë ulur dhe i trishtuar, një copëz gazete e prerë nën këpucë do të të bëjë të ndalësh hapin dhe lexon: “Tirana është një nga qytetet më të ndotura në Europë. Kjo gjë është vërtetuar sërish nga ana e Organizatës Botërore të Shëndetësisë e cila konfirmon faktin se pluhuri dhe ndotja në Tiranë janë shumë herë tej normave të lejuara. Në Tiranë, 500 qytetarë vdesin në vit si pasojë e ajrit të ndotur. Kjo përbën afërsisht 13% të numrit të përgjithshëm të vdekjeve.”
E ku ke më fuqi të ulërasësh! Ajo që ti belbëzon i ngjan më shumë një psherëtime që del nga thellësia e një deti të trazuar. Por mendja është e kthjellët. Ti je i ndërgjegjshëm për katastrofën që po ju rezervohet fëmijëve të tu. E ata nuk janë një e nuk janë dy. Ata janë shumë, janë të gjithë fëmijët shqiptarë.
Ky është një realitet i trishtuar në sytë tanë. Me të drejtë të lind pyetja: “A duhet dikush të reagojë për këtë situatë?”. Për shumë nga këto fenomene negative që kanë sjell pasoja katastrofale në mjedis, kemi pasur dhe një reagim publik të fortë të shoqërisë civile ambientaliste por dhe të politikës opozitare, në kohë dhe vende të ndryshme. Një debat i madh publik përfshiu gjithë opinionin publik në atë kohë kur do të ndërtohej TEC-i i Vlorës. Përfaqësues të “Aleancës për Mbrojtjen e Gjirit te Vlorës” së bashku me studentët vlonjatë u organizuan në një protestë duke bllokuar rrugën të lidhur mes tyre me zinxhirë duke kërkuar zgjidhjen referendare të kësaj çështje me interes publik. Media luajti një rol të konsiderueshëm sensibilizues. Gjithashtu, shoqëria civile ambientaliste, e cila jo pak herë mori rolin e drejtuesit të protestave dhe aktiviteteve të ndryshme, u ngrit në protestë së bashku me qytetarët e Vlorës për të kundërshtuar këtë mega-projekt industrialo-energjetike. Por, të gjitha këto përpjekje nuk arritën të ndryshojnë dot vendimin për të mos ndërtuar TEC-in dhe Parkun energjitik në Vlorë.
I njëjti fenomen ndodhi dhe me miratimin e Ligjit të Importit të Mbetjeve, i cili solli mjaft reagime të forta të opinionit publik, shoqërisë civile dhe ekspertëve të mjedisit. Protesta dhe manifestime të ndryshme shoqëruan reagimet e publikut për ta kundërshtuar këtë ligj. U ndërmorën peticione e të tjera nisma deri tek inisiativa e fundit referendare për mos miratimin e këtij ligji. Po sërish ky ligj u miratua dhe tashmë është në fuqi. Pala që sot është në Qeveri e që miratoi këtë ligj, gjatë vitit 2004 protestonte para Kryeministrisë si palë opozitare për ta kundërshtuar importin e plehrave. Sa ironike!
Edhe këtë herë reagimet e shoqërisë civile dhe publikut të gjerë nuk arritën të ndalojnë një ligj që bie ndesh me mjedisin dhe nuk është në harmoni me të. E kundërta ndodh jo shumë larg nesh. Nëse shikojmë përtej detit Adriatik, do të vëmë re sensibilizimin dhe mobilizimin e publikut në qytetin e Napolit, për të kundërshtuar projekte, qofshin këto edhe të pjesshëm që merren me caktimin e një vend grumbullimi për plehrat e qytetit. Kjo ndodh se ata janë shumë të vetëdijshëm kur vjen fjala për mirëqenien e tyre mjedisore. Këto protesta atje patën një impakt pozitiv. E drejta ishte me ta për të vendosur nëse e duan apo jo një gjë të tillë. Politikës si mbeti gjë tjetër veçse të zbatonte vendimin e tyre. Me të drejtë lind pyetja: “Pse nuk ndodh kështu dhe tek ne? A është shoqëria jonë është më pak e ndjeshme ndaj mirëqenies mjedisore apo është politika aspak miqësore me mjedisin?”.
Shoqëria ta ketë fajin vallë?! Sigurisht, jo. Shoqëria jonë është shumë e ndjeshme. Qytetarët e shprehin qartë pakënaqësinë e tyre ndaj shkatërrimit të mjedisit dhe niveleve të larta të ndotjes. Shqetësimi i tyre është të gjejnë mekanizmin apo “çelësin e artë” që do të ushtrojë presion mbi politikën. Ky çelës do të hapte dyert e mendjes dhe të arsyes për ta bërë politikën të ndryshojë qëndrimin ndaj mjedisit dhe të plotësojë standardet ndërkombëtare të BE në fushën e mjedisit. Por ironia e fatit është se ndërsa shoqëria e ka humbur besimin te politika për zgjidhjet që kërkon, mekanizmi dhe “çelësi i artë” janë të lidhura pazgjidhshmërisht me politikën, e konkretisht me votën që përcakton ngjyrat e politikës. Ku janë Të Gjelbrit?!
Në jo pak raste, përveç kritikës ndaj politikës që e shikon si shkaktaren kryesore të kësaj gjendje të rënduar mjedisore, opinioni publik është kritik edhe ndaj shoqërisë civile, e cila paraqet reagime të ndryshme për çështjeve mjedisore të njëjta. Kjo kundërshti në qëndrime krijon perceptimin tek publiku, sidomos kur debatet janë publike në media, që politikat mjedisore qëndrojnë në të dyja anët e së njëjtës medalje. Sa më sipër nuk është e drejtë dhe padyshim ka një ndikim negativ në sensibilizimin dhe nxitjen e reagimit të publikut pasi e zbeh atë. Nuk mund të vazhdojë kjo farsë pasi e bën publikun të që të humbasë besimin. Humbja e besimit është vënë re edhe në reagimet e fundit të tij. Trajektorja e kurbës së reagimit qytetar duhet të rritej në raport të drejtë me rritjet e katastrofës ekologjike dhe jo në të kundërt, siç po vërehet.
Politika është përgjegjësja kryesore për shkatërrimin e mjedisit me vendimet që merr. Deri më sot ne nuk kemi pasur një politikë të ndershme dhe miqësore me Mjedisin dhe burimet natyrore. Kjo ka ardhur dhe si rezultat i mos pasjes së një strategjie të mirëfilltë zhvillimi, e cila do të na garantonte një zhvillim të qëndrueshëm në harmoni me mjedisin. Duke qenë një vend në zhvillim dhe me një dëshirë për t’u pasuruar shumë shpejt, i jemi turrur burimeve natyrore sikur jeta fillon dhe mbaron me ne, pa menduar gjatë për fëmijët tanë dhe të ardhmen e tyre.
Jo pak faj ka dhe administrata qeverisëse si në nivel qendror dhe në atë lokal, me veprimet e saj neglizhente në mos zbatimin e ligjeve dhe vendimeve, që të paktën nga ana formale, janë në përputhje me Direktivat e BE.
Njerëzit presin që kjo katrahurë mjedisore të ketë një fund. Por, ata janë të sigurtë që, më shumë sesa ndërgjegjësimi qytetar, duhet arritur ndërgjegjësimi i atij grupi njerëzish që ka në dorë fatet e mjedisit, politikanëve tanë. Ajo çka qytetarët kanë në dorë është që t’i përcjellin një mesazh të fortë politikës me mbështetjen e tyre ndaj referendumit kundër importit të mbetjeve. Dhe kjo është më se e vërtetë pasi procedurat e mbledhjes së firmave për referendumin sapo ka nisur. Sot ju po shikoni politikën opozitare të veprojë si pjesë e ndërgjegjes qytetare. Aksionet politike të saj dëshmojnë ndjeshmërinë ndaj mjedisit. Historia e së shkuarës nuk do të përsëritet më. Qytetarët jo vetëm që nuk do të marrin zhgënjimin e rradhës nga opozita, por do gjejnë tek ajo një mbështetje të madhe dhe shpresën për një rrugë të re zhvillimi drejtë Europës së munguar. Gjërat këtë herë do të bëhen me zemër dhe me arsye, duke vënë interesat e larta të publikut mbi interesat personale të pushtetit.
Opozita e Bashkuar do të bashkojë rreth vetes dhe do të mbështesë të gjitha lëvizjet qytetare në mbrojtje të mjedisit duke i bërë përfaqësuesit e tyre, përse jo, pjesë të vendimmarrjes së saj parlamentare. Aleanca për të Ardhmen po fiton përditë e më shumë besimin e publikut se vetëm ajo mundë të zgjidhë ngërçin mjedisor duke e kthyer atë në prioritet qeverisës afatgjatë. Është koha të hapim një faqe të re politike, miqësore dhe bashkëpunuese me mjedisin. Tendenca e të menduarit, vepruarit dhe jetuarit gjelbër është tendenca e një politikani modern.

Qytete të Gjelbra

Këshilltarët e Gjelbër mblidhen në Vien të Austrisë. Partia e Gjelbër përfaqësohet në këtë takim nga këshilltari i Bashkisë së Elbasanit Indrit Abdiaj.

Në këtë takim marrin pjesë Eurodeputëtë të Gjelbër nga Europa Lindore dhe Austria si dhe antarë të kryesisë së Patisë së Gjelbër Europiane.

Zhvillimi i qëndrueshëm dhe Qytet e Gjelbra janë në focus të këtij takimi. Së shpejti dhe në Shqipëri me mbështetjen e këshilltarëve të gjelbër europian do të krijohet rrjetii këshilltarëve të gjelbër. Ky rrjet fillimisht do të përfshi të gjitha Bashkitë ku Partia e Gjelbër është e pëfaqësuar më këshilltarë.

Qytetet me ajër dhe uji të pastër me hapësira te gjelbëra dhe publike, pa mbetje dhe plehra në rrugët e tyre, që përdorin  transport ekologjik dhe energjitë e rinivueshme janë modelet e Qyteteve të Gjelbra të realizuara nga Kryetarët e Bashkive përfaqësues të Partisë së Gjelbër Europiane. Ky është modeli që synojnë të realizojnë dhe të Gjelbërit Shqiptar.

 

img-20161021-wa0011

JO importit të mbetjeve në vendin tonë

          JO  importit të mbetjeve në vendin tonë

screenshot-3_1474445088-869505

Ndjeshmëria e lartë qytetare dhe nevoja për një politikë ndryshe mjedisore bëri që kualicioni “Aleanca për Shqipërinë Europiane” ta përfshinte amendimin e ligjit  për ndalimin e importit të mbetjeve, në programin e vet elektoral  të zgjedhjeve parlamentare të 2013-ës.

Kjo gjë që u bë realitet me fitoren e zgjedhjeve. Miratimi i amendimit ligjor për ndalimin e importit të mbetjeve bëri që të mos organizohej më referundimi popullor.  Ndalimi i importit të mbetjeve u paraqit si një angazhim programor që mori qeveria dhe mazhoranca për të pastruar Shqipërinë.

 

Sot, pas tre vjetësh, jemi në situatën ku ligji për importin e mbetjeve ngrihet sërish si shqetësim qytetar dhe ambientalist për shkak të një nisme të depozituar në Kuvend nga deputetë të  të njëjtës mazhorancë “Aleanca për Shqipërinë Europiane” për lejimin sërish të importit të mbetjeve.

Ky ndryshim ligjor i propozuar është në kundërshtim me parimet dhe politikat për mbrojten e mjedisit dhe gjithashtu të shëndetit të qytetarëve. Gjithashtu, ndër të tjera do të krijojë probleme edhe për trajtimin e mbetjeve që prodhohen nga tregu vendas.

Marrja e inisiativës parlametare nga deputetë të mazhorancës për të lejuar importin e mbetjeve bie ndesh me programin dhe angazhimin politk të ndërmarrë nga kjo mazhorancë për këtë çështje tre vjet më parë. Mbështetja me votë në parlament e lejimit të importit të mbetjeve do të dërrmonte përfundimisht besimin e qytetarëve se kjo mazhorancë, ndryshe nga qeveritë paraardhëse, do të ndiqte një politikë ndryshe me mjedisin, një politikë më miqësore dhe të qëndrueshme.

 

Janë të shumtë argumentet pse nuk duhet lejuar importi i mbetjeve, por më kryesorja është se në situatën në të cilën ndodhet Shqipëria, ky akt ligjor do të thellonte krizën mjedisore, ekonomike si dhe shtimin e rrezikut për jetën e qytetarëve.

 

Për sa më sipër, Partia e Gjelbër i bën thirrje deputetëve të mazhorancës qeverisëse që të kërkojnë në seancën e së enjtes 22 Shtator 2016, heqjen nga rendi i ditës të këtij amendimi.

Kjo gjë duhet bërë jo vetëm për shkak të angazhime të ndërrmarra nga maxhoranca ndaj qytetarëve por dhe si një detyrim ndaj firmëtarëve të referendumit që ndërprenë inisiativën e tyre për t’i dhënë besimin kësaj maxhorance.

Importi i mbetjeve është një çështje madhore që ka të bëjë me sigurinë mjedisore dhe shëndetësore si dhe me të ardhmen e qytetarëve. Për vetë rëndësinë që paraqet kjo çështje, çdo ndryshim ligjor në këtë drejtim, duhet t’i shtrohet për miratim votuesve Shqiptar nëpërmjet referendumit.

 

Le ta thonë qytetarët fjalën e fundit!

 

Tiranë 21 Shtator, 2016!

Të gjelbrit diskutojnë me ministrin gjerman sfidat e mjedisit

20160720_192249-1Kryetari i Partisë së gjelbër, Edlir Petanaj, zhvilloi një takim me Stefan Wenzel, zv kryeministër dhe Ministër i mjedisit, energjisë dhe mbrotjes klimatike në Saksoninë e Poshtme të Gjermanisë. Petanaj e njohu mikun gjerman me rolin e kësaj partie në pushtetin lokal. Gjithashtu u diskutuan sfidat mjedisore si përmirësimi i gjëndjes aktuale,ulja e niveleve të ndotjes, përmirësimi i cilësisë së ajërit, mbrojtja e parqeve dhe zonave të gjelbëra, manazhimi i integruar i mbetjeve, si dhe puna që po bëhet për hartimine politikave mjedisore sipas standarteve të BE. Një tjetër pikë e diskutimeve ishte edhe drejtësia sociale, ku u vu theksi te mbështetja e njerëzve në nevojë, zbutja e varëfërisë, hapja e vendëve të reja të punës, realizimi i kushteve për një jetë më cilësore. Petanaj foli edhe për objektivat e Partisë së gjelbër, ku përmendi futjen e energjive të gjelbëra, diellore dhe të erës, zhvillimin e transporti ekologjik , bujqësise dhe turizmit ekologjik. Në këtë kuadër pak ditë më parë Parlamenti Shqiptar ratifikoi Marrëveshjen e Parisit.

Në fjalën e tij, ministri gjerman vlerësoi rolin e Partisë së gjelbër në ruajtjen e mjedit. Ai shtoi gjithashtu se përfaqëesimi i kësaj partie në parlamentin kombëtar, do të ishte një hap i rëndësishëm drejt implementimit të politikave të gjelbëra.

Gjatë takimit palët diskutuan dhe çështje të ndryshme mjedisore si ngrohja globale dhe ndikimi i saj dhe në Shqipëri, ndikimit i ndryshimeve klimatike mbi emigracionin, ulja e përdorimi të lëndëve fosile dhe përdorimi i energjive të gjelbëra, ruajtja e biodiversitetit etj.

http://hermesnews.al/politike/Kryetari-i-Partise-se-gjelber-diskuton-me-ministrin-gjerman-sfidat-e-mjedisit.html

Mblidhet Asambleja e Përgjithshme e të “Rinjve Gjelbër Europian”

13247729_10153658709725866_6200861986550181559_o

Në Pragë, të Çekisë  u mbajt  Asambleja e Përgjithshme e të “Rinjve Gjelbër Europian”. Rinia e Gjelbër është  si antare me të drejta të plota , dhe me të drejtë vote u përfaqësua nga  Orlando Bakalli  Sekretar i Përgjithshëm i rinisë.

Ai zhvilloi një sërë takimesh më drejtues të lartë të Rinisë së Gjelbër Europiane, ku prezantoi disa nga aktivitetet dhe nismat e ndërmara nga të Rijtë e Gjelbër Shqiptarë.  Tema të tjera gjatë takimeve ishin rreth politikave të gjelbëra , mjedisi, çështjet e klimes  si dhe investimet në teknollogjitë dhe energjitë e gjelbëra.

Asambleja e Përgjithshme e të “Rinjve Gjelbër Europian” është kuvendi më I rëndësishmë i të Rijnjve të Gjelbër .

Asambeja I mbylli punimet me zgjedhjet e reja të Komitetit Ekzekutiv.

Teo Comet (Finlandë) dhe Marie Pochon (Francë) u zgjodhën si bashkë-Zëdhënësve të Federatës.

Artur Ëieczorek (Poloni) u zgjodh Sekretar i Përgjithshëm.

Anëtarët e tjerë të KE-së janë Adria Belenguer (Katalonia / Spanjë), Paula Espinosa (Spain), Anastasiya Kastsiushkina (Bjellorusi), Maria Kola (Qipro), Jean-Michel Muhire (Belgjikë) dhe Fabian Ëagner (Gjermani).

 

Mendo Gjelbër,Vepro Gjelbër,Jeto Gjelbër!

Tema e seminarit të organizuar nga Rinia e Gjelbër  me përfaqësues të rinisë studentore dhe të shkollave të mesme.

Të pranishim në këtë takim ishtin edhe drejtues të degëve lokale të rinisë së gjelbër. Keida Ushtelenca dhe Iliri Cani dy bashkëkryetarët e Rinisë së Gjelbër mbasi bënë një pasqyrim të aktiviteteve mjedisore dhe politike të ndërmarra nga forumi rinor u ndalën tek problematikat mjedisore  dhe zgjidhjet që Rinia e Gjelbër  mendon për to.

Mendo Gjelbër,Vepro Gjelbër,Jeto Gjelbër! theksuan ata është një mënyrë e të jetuarit duke respektuar mjedisin. Për këtë ne si shoqëri kemi me shumë nevojë për të kapërcyer problemet mjedisore që po trashgojmë.

Problemet kryesore që u diskutuan gjerësisht ishin ndotja e ajërit, manaxhimi  mbetjeve, shkatërimi i sipërfaqëve të gjelbëra, transporti i gjelbër si dhe sensibilizimi i popullatës ndaj problematikave mjedisore dhe reagimi ndaj tyre. Kjo duhet bërë  që të  jetojmë në një mjedis të shëndetshëm dhe me ajër të pastër dhe sa më pak të ndotur.

Orientimi i vendit drejtë politkave të gjelbëra jo vetëm do të zgjedhje problemin e ndotjes  do të ndalte shkatërimin e mjedisit por do ti hapte vendit një prespektivë të re zhvillimi në fushta të ndyshme si: energjitë e rinovueshme, transportin ekologjik, ekoturizmin, bujqësinë organike si dhe zhvillim e teknollogjive të gjelbëra. Ky zhvillim do të zgjidhte edhe problemin e punësimit të rinisë duke hapur  vende pune të sigurta.

Të punojmë për një zhvillim të gjelbër për vendin, pasi vetëm ai mund të realizojë njëkohësisht zhvillimin e qëndrueshëm në fushat sociale, ekonomike dhe mjedisore.

Në emër të rinisë shkollore foli Rabina Boriçi. Ajo u ndalën në disa nisma mjedisore konkrete që kishin marrë si të rinj. Ndarja e mjetjeve që në burim dhe ricikli i tyre ishte njëra nga nismat e marra që synon ta shtrinin në të gjitha shkollat e mesme të Tiranës. Një nismë tjetër ishte sensibilizimi i të rinjve për problemet mjedisore, veçanërisht ndotja dhe shkatërimi i mjedisit dhe se si ata duhet të reagonin ngaj tyre. Gjithashtu ajo u ndal në disa aktivitete që kishin zhvilluar në bazë të kalendarit mjedisor si lëvizje me bicikleta, mjellje fidanesh,pastrim territori etj..

Përfaqësuesit e Rinisë shkollore dhe studentore u bënë një një thirrje moshatarëve të tyre që ti bashkohen nismës të Rinisë së Gjelbër  “Mendo Gjelbër,Vepro Gjelbër, Jeto Gjelbër!”